Ing Intramuros ing pekamatwang distritu ampong makasalesayan a sentru ning Menila, ing tungku (capital) ning Filipinas. Kilala ya antimong Walled City, ing orihinal a lakanbalen a makakuta (fortified city) ning Menila ing tungku ning kapamahalang Castila anyang panaun ning pamanyakup ning Espanya king Filipinas. Ing dake nang makakuta ning Menila meaus yang intramuros, Latin para king "kilub ding pader"; deng distritung atyu king kilwal da reng pader ausan da lang extramuros king Menila, a mangabaldugang "kilwal da reng pader".
Migumpisa ing pamitikdo da reng pader o dalig para king pamamingwa (defensive wall) kapamilatan ning kapamahalang kolonyal a Castila anyang tawling dake ning ka16 a dilanwa o siglu (16th century) ba yang pamingwa o protektan ing lakanbalen king pamanyakup da reng aliwang bangsa. Anyang mumuna, ing lakanbalen a makakuta (walled city) a 0.67-square-kilometre () atyu king bebe dayatmalat ning Manila Bay, king mauli nang piluluban ning Ilug Pasig. Makabante ya king matwang lakanbalen ing Fort Santiago, ing kayang balwarting atyu king pilwalan ning ilug. Uling king reklamasyun ning gabun anyang mumuna nang dake ning kadwang pulung dilanwa (early 20th-century), mitakpan la reng dalig, ampong kuta king luk (bay).
Grabi ing pangasira ning Intramuros anyang labanan ba yang kwanan ing Menila king Ukbung pang-Imperiung Hapon anyang 1945. Migumpisa ing pamitikdong pasibayu kareng dalig anyang 1951, nung kapilan mibulalag yang National Historical Monument ing Intramuros, a susundu na ngeni ning Intramuros Administration (IA).
Kinilala ne ning Global Heritage Fund ing Intramuros antimong metung kareng labing adwang 12 karinan king yatung "maybug nang masira ampong mawala" (on the verge of irreparable loss and destruction) king kayang ulat para king banwang 2010 a maki pamagat Pamanyagip king Mawawala Tamung Pamana (Saving Our Vanishing Heritage), at tuturu na ing kakulangan king pamanibala na niti ampo ing pamagkapilit uli ning panyulung (development pressures).
| Lagyu | Populasyun (2010) |
|---|---|
| Barangay 654 | 841 |
| Barangay 655 | 1,789 |
| Barangay 656 | 242 |
| Barangay 657 | 281 |
| Barangay 658 | 1,772 |
from Wikivoyage
